പേനയും വിശ്വാസിയും.!...

സൂറത്തുൽ ഖലം 
സൂറതു നൂന്‍ എന്നും അറിയപ്പെടുന്നു. 52 ആയതുകള്‍, 300 പദങ്ങള്‍, 1256 അക്ഷരങ്ങള്‍. മക്കിയ്യായ സൂറത്.. ഈ സൂറതിലെ ചില ആയതുകള്‍ മദനിയ്യ് ആണെന്ന് ചില റിപോര്‍ട്ടുകളിലുണ്ട്. പ്രപഞ്ച ദൃഷ്ടാന്തങ്ങള്‍ നിരത്തി അല്ലാഹുവിന്‍റെ അധികാരവും സൃഷ്ടിപ്പിലെ അപ്രമാദിത്വവും വൈദഗ്ദ്യവും തെളിയിക്കുകയായിരുന്നവല്ലോ തൊട്ടു മുമ്പുള്ള സുറതുല്‍ മുല്കില്‍. അതിനാല്‍ തന്നെ റസൂല്‍ (സ)യെ കുറിച്ച് ശത്രുക്കള്‍ പറഞ്ഞുണ്ടാക്കുന്ന എല്ലാ ആരോപണങ്ങളും സത്യവിരുദ്ധമാണെന്നും ഭ്രാന്തന്‍ തുടങ്ങിയ ചീത്ത വിശേഷണങ്ങളില്‍ നിന്ന് നബി(സ) തികച്ചും മുക്തനാണെന്നും അല്ലാഹു തആല ഇവിടെ ആണയിട്ടു പറയുന്നു. മാത്രമല്ല നബി(സ)യെ ഏറ്റവും നല്ല വിശേഷണം നല്‍കി ആദരിക്കുക കൂടി ചെയ്യുന്നു. (നബിയേ താങ്കള്‍ ഉന്നത സ്വഭാവത്തിനുടമയാണ് തീര്‍ച്ച) എന്ന സാക്ഷ്യം ഈ സൂറതിലൂടെ അല്ലാഹു നല്‍കുന്നത്. ഈ സൂറത് പാരായണം ചെയ്യുന്നവനു നല്ല സ്വഭാവത്തിനുടമയായവരുടെ പ്രതിഫലം അല്ലാഹു നല്‍കുമെന്ന് നബി(സ) പറഞ്ഞതായി സഅ്‍ലബി തന്‍റെ തഫ്സീറില്‍ ഉദ്ധരിക്കുന്നു.(islamonweb.net)