സന്താന പരിപാലനം പ്രവാചക മനഃശാസ്ത്രം

അനുസരണശീലമുള്ള മക്കളെയാണ് രക്ഷിതാക്കള്‍ ആഗ്രഹിക്കുന്നത്. നമ്മുടെ മക്കള്‍ അനുസരണശീലമുള്ള മിടുക്കരാകണം. എങ്കിലേ സന്താനങ്ങള്‍ സൗഭാഗ്യവാന്മാരായിത്തീരൂ. തന്റെ മകനെ ചൂണ്ടി ‘ഇതെന്റെ മകനാണ്’ എന്നു പറയാന്‍ മാത്രമുള്ള വിജയവും അനുസരണ ബോധവുമുള്ള സന്താനം പൂവണിയാന്‍ ധാരാളം ഘടകങ്ങള്‍ നന്നായിത്തീരണം.
മാതാവാണ് കുഞ്ഞിന്റെ ഒന്നാമത്ത വിദ്യാലയം. കുട്ടികളെ നല്ലവരാക്കുന്നതും ചീത്തയാക്കുന്നതും വീട്ടിലെ സാഹചര്യങ്ങളാണ്. രക്ഷിതാക്കളുടെ സ്‌നേഹമസൃണമായ പെരുമാറ്റവും അവര്‍ കുഞ്ഞുങ്ങളോട് ഇടപഴകുന്ന രീതിയുമാണ് കുട്ടികളെ അനുസരണാബോധമുള്ള പക്വമതികളാക്കുന്നതും മിടുക്കന്മാരാക്കുന്നതും എന്ന തിരിച്ചറിവ് പലപ്പോഴും മാതാപിതാക്കള്‍ ഇല്ലാതെ പോയതാണ് കുട്ടികള്‍ അനുസരണശീലമില്ലാതാകാന്‍ ഒരു പരിധിവരെ കാരണം.