അബ്ദുല്ലാഹിബ്‌നു മസ്ഊദി(റ)ൽ നിന്ന് നിവേദനം: അല്ലാഹു അടിമകളുടെ ഹൃദയങ്ങളിലേക്ക് വീക്ഷിച്ചു. അതിൽ മുഹമ്മദ് നബി(സ്വ)യുടെ ഹൃദയം ഏറ്റവും ഗുണമുള്ളതായി കണ്ടു. അതിനാൽ മുഹമ്മദ് നബിയെ തിരഞ്ഞെടുത്ത് ദൗത്യനിർവഹണത്തിനയച്ചു. പിന്നീട് നബിയുടെ സ്വഹാബികളുടെ ഹൃദയങ്ങളെയാണ് ഉത്തമമായെത്തിച്ചത്. അതുകൊണ്ട്തന്നെ അവരെ അല്ലാഹു നബി(സ്വ)യുടെ സഹായികളാക്കി (ഹാഫിള് അബൂനഈം, ഹിൽയ 1/375).
വഹ്‌യിന് സാക്ഷ്യം വഹിച്ചവർ, നബിയിൽ നിന്ന് ഖുർആൻ വ്യാഖ്യാനം നേരിട്ട് പഠിച്ചവർ, നബിയോട് സഹവസിക്കാനും സഹായിക്കാനും നബികൊണ്ടുവന്ന ദീൻ പ്രചരിപ്പിക്കാനും അല്ലാഹു തിരഞ്ഞെടുത്തവർ, അല്ലാഹുവിന്റെ വിധിവിലക്കുകളെയും ഇസ്‌ലാമിന്റെ ഉദ്ദേശ്യ ലക്ഷ്യങ്ങളെയും കുറിച്ച് കൂടുതൽ അറിവുള്ളവർ, അല്ലാഹു ബഹുമാനിച്ചവർ, ഭക്തിക്ക് വേണ്ടി തിരഞ്ഞെടുത്തവർ, ജനങ്ങൾക്ക് മാതൃകായോഗ്യരും പതാക വാഹകരുമായി നിയോഗിച്ചവർ ഇങ്ങനെ ഒട്ടേറെ ബഹുമതികളാൽ അനുഗ്രഹീതരും ആദരണീയരുമാണ് സ്വഹാബികൾ (അൽഇത്ഖാൻ ഫീ ഉലൂമിൽ ഖുർആൻ 2/178, അൽഇസ്തിആബ് 1/7).
സത്യസന്ധതയിലും വിശ്വാസ യോഗ്യതയിലും മഹത്ത്വത്തിലും അവരോടൊപ്പമെത്താൻ ആർക്കുമാകില്ല.
No comments:
Post a Comment