മുഹമ്മദ് (സ) പറഞ്ഞതായി ഇമാം അഹ്മദ് (റ) തന്റെ സ്വഹീഹിൽ ഉദ്ധരിച്ച ഒരു ഹദീസിൽ ഇങ്ങനെ കാണാം; ‘പകർച്ചവ്യാധി ഉണ്ടാവുകയും ക്ഷമിച്ചും കൂലി പ്രതീക്ഷിച്ചും അല്ലാഹു കണക്കാക്കിയതല്ലാതെ ഒന്നും സംഭവിക്കുകയില്ല എന്ന് മനസ്സിലാക്കുകയും ചെയ്തു ഒരുവൻ വീട്ടിലിരുന്നാൽ അവന് ശഹീദിന്റെ കൂലി ഉണ്ടായിട്ടെല്ലാതെ ഇല്ല’. ഈ ഒറ്റയ്ക്കിരിക്കൽ കൊണ്ട് നമ്മുടെ ജീവിതത്തിൽ മാറ്റം ഉണ്ടാകുമെന്ന കാര്യം ഉറപ്പാണ്. കാരണം ഒറ്റയ്ക്കിരിക്കുന്നവർക്കൊക്കെ മാറ്റങ്ങളുണ്ടായിട്ടുണ്ട്. ഗസ്സാലി(റ) ഒറ്റയ്ക്കിരിക്കലിന് ശേഷമാണ് ഇഹ്യാ ഉലൂമുദ്ദീൻ എന്ന കിതാബിന് രൂപം നൽകിയത്. സൗകര്യപ്രദമായ ഒരു വീടും സ്വാലിഹത്തായ ഒരു ഇണയും ഉണ്ടെങ്കിൽ എല്ലാമായി എന്ന് നബി (സ) പഠിപ്പിച്ചിട്ടുണ്ട്. അതുപോലെ നിസ്കാരം വീട്ടിൽവച്ച് ചെയ്യേണ്ട അവസ്ഥയുണ്ടാകുമ്പോൾ അതു തന്നെയാണ് ഏറ്റവും പുണ്യമായത്. അനുകൂലവും പ്രതികൂലവുമായ സാഹചര്യത്തിൽ മുസ്ലിമും ആബിദും മുത്തഖിയും ഒക്കെയായി ജീവിക്കാൻ കഴിയുമെന്നത് ഈ ശരീഅത്തിന്റെ പ്രത്യേകതയാണ്
(ഡോ. ടി.എ സാലിം ഫൈസി...suprabhaatham.com)
(ഡോ. ടി.എ സാലിം ഫൈസി...suprabhaatham.com)
No comments:
Post a Comment