തമിഴ്നാട്ടിലെ
തിരുനല്‍വേലിയില്‍ താമ്രപര്‍ണി
നദീതീരത്തെ ചരിത്രവിശ്രുതമായ കായല്‍പട്ടണത്ത്
ഹിജ്റ 1153ല്‍ ജനിച്ച
ഉമര്‍ വലിയുല്ലാഹി(റ)വിന്റെ രചനയാണിത്. മതവിജ്ഞാനത്തിന്റെ
കേസരികള്‍ താമസിച്ചിരുന്ന നാടാണ് കായല്‍പട്ടണം.
മഖ്ദൂമുമാര്‍, കേരളത്തിലെത്തുന്നതിന് മുമ്പ് കായല്‍പട്ടണത്ത്
താമസിച്ചിരുന്നതായി ചരിത്രം പറയുന്നു .പിതാവ്
ശൈഖ് അബ്ദുല്‍ ഖാദിര്‍
എന്നവരില്‍ നിന്ന് പ്രാഥമിക വിജ്ഞാനം
കരസ്ഥമാക്കിയ കഥാപുരുഷന്‍, സയ്യിദ് മുഹമ്മദ്
മൌലല്‍ ബുഖാരി അടക്കമുള്ള
ഉന്നതരില്‍ നിന്നും ഉപരിപഠനം നടത്തുകയും
പണ്ഡിത കേസരികളില്‍ ഒരാളായി
മാറുകയും ചെയ്തു. കര്‍മ്മശാസ്ത്രത്തില്‍
അവഗാഹം നേടുകയും ഖാദിരിയ്യ:
രിഫാഇയ്യ: തുടങ്ങിയ ആത്മീയ വഴികളില്‍
പ്രവേശിക്കുകയും ചെയ്തു. ഹജ്ജ് ഉംറകള്‍ക്കായി മക്കയില്‍ എത്തിയ
ഉമര്‍ വലിയുല്ലാഹി(റ)
റൌളാ സന്ദര്‍ശനത്തിനു
ശേഷം മദീനയില്‍ തന്നെ
താമസിച്ചു. അസ്സയ്യിദ് അല്ലാമാ മുഹമ്മദ്
മുഹ്സിന്‍ അല്‍ ഹുബൈഖി(റ) എന്നിവരില്‍
നിന്നും ജ്ഞാനം നുകരുകയും ആദ്ധ്യാത്മിക
വെളിച്ചം പകര്‍ന്നെടുക്കുകയും
ചെയ്തു. പഠനാനന്തരം മദീനയില്‍ തന്നെ
മതാധ്യാപന വൃത്തിയിലേര്‍പ്പെട്ടു. അഞ്ചു
വര്‍ഷത്തെ അദ്ധ്യായന
വൃത്തിക്ക് ശേഷം ഗുരുവിന്റെ
അനുമതി പ്രകാരം നാട്ടിലേക്ക്
മടങ്ങാന്‍ ഒരുങ്ങി. മദീനയില്‍ നിന്നുള്ള
മടക്ക യാത്രാവേളയിലാണ് സ്വല്ലല്‍
ഇലാഹു ക്രോഡീകരിച്ചത് എന്നാണ്
പ്രമുഖ ഭാഷ്യം. വിരഹ
ദു:ഖത്തിന്റെ കാവ്യാവിഷ്കാരമായി
ഈ പ്രകീര്‍ത്തന
കാവ്യം പരിഗണിക്കപ്പെടുന്നു .കേവലമായ
അനുരാഗത്തില്‍ നിന്ന് മാത്രമല്ല സ്വല്ലല്‍
ഇലാഹു വിരിയുന്നത്. ആദ്ധ്യാത്മികതയുടെ
അന്തര്‍ലയങ്ങളും പ്രേമഭാജനത്തോടുള്ള
ആത്മ സംവേദനങ്ങളും ആത്മനിസ്സാരതയുടെ
വിഹ്വലതകളും ഇഴ ചേര്‍ന്നാണ് ഈ കവിത
പ്രവഹിക്കുന്നത്. അറബി അക്ഷര
മാലയിലെ എല്ലാ അക്ഷരങ്ങള്‍
കൊണ്‍ടും തുടങ്ങി
ഭാഷാ സാകല്യത്തിന്റെ പരിധികള്‍ക്കുമപ്പുറത്തേക്ക് തിരുനബിയുടെ പ്രപഞ്ചത്തെ വികസിപ്പിക്കുകയാണ്
കവി ചെയ്യുന്നത്
Good
ReplyDelete