റിപ്പബ്ലിക് ദിന സന്ദേശം:Republic DAY

Republic 2019

എന്താണ് റിപബ്ലിക് എന്ന വാക്കിൻറെ അർത്ഥം? res publica എന്ന ലാറ്റിൻ പ്രയോഗത്തിൽ നിന്നാണ് റിപബ്ലിക് എന്ന വാക്കിൻറെ ഉൽഭവം. Public matter, people's thing, പൊതു കാര്യം എന്നൊക്കെയാണ് അതിൻറെ അർത്ഥം. അതായത് രാജ്യം പൊതു ഉടമസ്ഥതയിൽ ഉള്ളതാണ്. രാജ്യത്തിൻറെ ഉടമസ്ഥാവകാശം ജനങ്ങൾക്കാണ്. അധികാരത്തിൻറെ ഉറവിടം പാരന്പര്യമോ ദൈവീകമോ ഒന്നും അല്ല മറിച്ച് ജനമാണ്. അതായത് രാജ്യത്തിൻറെ തലവൻ ഒരു ജനപ്രതിനിതി ആയിരിക്കും. രാജാവോ ഏകാധിപതിയോ ഒന്നുമാകില്ല. രാജാധികാരത്തിൽ രാജ്യവും അതിൻറെ എല്ലാ സ്വത്തും രാജാവിൻറേതാണ്. എന്നാൽ ഒരു റിപബ്ലിക്കിൽ ജനങ്ങൾ ആണ് ഉടമകൾ. അത് കൊണ്ട് അവരുടെ ഒരു പ്രതിനിതിയാണ് രാജ്യ തലവൻറെ പദം അലങ്കരിക്കുക. ഇന്ത്യൻ റിപബ്ലിക്കിൽ ഹെഡ് ഓഫ് സ്റ്റേറ്റ് രാഷ്ട്രപതിയാണ്.

ഇന്ത്യ ബ്രിട്ടീഷ് ഭരണത്തിൽ നിന്നും മോചിതമായി ഒരു പരമോന്നത റിപ്പബ്ലിക് രാജ്യമായതിന്റെ ഓർമ്മക്കായി ജനുവരി 26 ന് ആഘോഷിക്കുന്നതിനെയാണ് റിപ്പബ്ലിക് ദിനം എന്നറിയപ്പെടുന്നത്. ഇന്ത്യയിലെ ദേശീയ അവധി ദിവസങ്ങളിൽ ഒന്നാണ് ജനുവരി 26.
1947 ഓഗസ്റ്റ് 15 ന് ഇന്ത്യക്ക് സ്വാതന്ത്യം ലഭിച്ചെങ്കിലും ഇന്ത്യയുടെ പരമോന്നത ഭരണ ഘടന നിലവിൽ വന്നത് 1950 ജനുവരി 26 നാണ്. 1947 മുതൽ 1950 വരെയുള്ള കൈമാറ്റ കാലയളവിൽ ജോർജ്ജ് നാലാമനായിരുന്നു ഇന്ത്യയുടെ ഭരണ തലവൻ. ആ കാലഘട്ടത്തിലെ ഗവർണർ ജനറൽ സി. രാ‍ജഗോപാലാചാരി ആയിരുന്നു. 1950 ജനുവരി 26 ന് ഡോ. രാജേന്ദ്രപ്രസാദ് ഇന്ത്യയുടെ ആദ്യത്തെ രാഷ്ട്രപതിയായി തിരഞ്ഞെടുക്കപ്പെട്ടു.